800
Алматыдан қоңырау шалу
Тел: 244-44-44, 250-00-00
Банкоматтар мен терминалдардың картасы
Филиалдар

Ипотекалық тұрғын үй қарыздарын/ипотекалық қарыздарды қайта қаржыландырудың мемлекеттік бағдарламасы

«Нұрбанк» АҚ Ипотекалық тұрғын үй қарыздарын/ипотекалық қарыздарды қайта қаржыландырудың мемлекеттік бағдарламасы шеңберінде бөлінген қаржыны игеруге кірісіп кетті

Сізге пайыздық мөлшерлемені жылдығына 3% дейін төмендету, сонымен қатар шетел валютасымен алынған қарызды теңгеге аудару мүмкіндігін беретін Ипотекалық тұрғын үй қарыздарын/ипотекалық қарыздарды қайта қаржыландырудың мемлекеттік бағдарламасының артықшылықтарын пайдалануды ұсынамыз.

Бағдарламаның негізгі шарттары:

(қайта қаржыландырғаннан кейінгі) пайыздық мөлшерлеме

жылдығы 3% көп емес

(қайта қаржыландырғаннан кейінгі) қарыз валютасы

теңге

Негізгі қарыздың қалдығы

36 470 000 теңгеден/ (2015 жылдың 01 қаңтарындағы жай-күйі бойынша) ҚР ҰБ бағамы бойынша 200 000 АҚШ долларынан көп емес

Қарыз алынған кезең

2004 жылдың 01 қаңтары мен 2009 жылдың 31 желтоқсаны аралығы

Кепілзаттық қамтама

Қарыз алушының (оның жұбайының) жалғыз баспанасы болып табылатын (жалпы алаңы 120 м2 аспайтын) тұрғылықты жылжымайтын мүлкі немесе (алаңы 0,1га аспайтын) жер учаскесі болуы тиіс, ескерту:

  • Жекешелендірілген, сыйға тарту келісімшарты немесе мұра алу арқылы ортақ меншік құқығымен тиесілі  тұрғын үй бірлігінде қарыз алушының және/немесе жұбайының 16 м2  аспайтын үлесі болуы;
  • 2015 жылдың 01 қаңтарынан кейін мұраға қалдыру арқылы қарыз алушының және/немесе жұбайының меншігіне өткен мүліктің болуы.

Қарыз алушыға қойылатын талап

  • халықтың әлеуметтiк жағынан қорғалатын тұлғалар*
  • (2015 жылдың 01 қаңтарының жай-күйі бойынша) 90 күннен астам уақыт кешіктірілген берешегі бар тұлғалар
  • қарызды шетел валютасымен алған тұлғалар

*  «Тұрғын үй қатынастары туралы» Қазақстан Республикасының 1997 жылғы 16 сәуiрдегi N 94-1 Заңының 68-бабына сәйкес халықтың әлеуметтiк жағынан қорғалатын топтарына жататын азаматтар:

  • Ұлы Отан соғысының мүгедектерi мен қатысушылары, сондай-ақ оларға теңестiрiлген адамдар;
  • I және II топтағы мүгедектер (өздерi жасаған қылмыс салдарынан мүгедек болған адамдарды қоспағанда);
  • мүгедек балалары бар немесе оларды тәрбиелеушi отбасылары;
  • заңдарда белгiленген тәртiппен бекiтiлетiн аурулар тiзiмiнде аталған кейбiр созылмалы аурулардың ауыр түрлерiмен ауыратын адамдар;
  • жасына қарай зейнет демалысына шыққан зейнеткерлер;
  • кәмелетке толғанға дейiн ата-аналарынан айырылған жиырма жасқа жетпеген жетiм балалар жатады. Мұндай адамдардың жасы әскери қызметке шақырылған кезде мерзiмдi әскери қызметтен өту мерзiмiне ұзартылады;
  • репатрианттар;
  • экологиялық зiлзалалар, табиғи және техногендi сипаттағы төтенше жағдайлар салдарынан тұрғын үйiнен айырылған адамдар;
  • көп балалы отбасылар;
  • мемлекеттiк немесе қоғамдық мiндеттерiн, әскери қызметiн орындау кезiнде, адам өмiрiн құтқару кезiнде, құқық тәртiбiн қорғау кезiнде қаза тапқан адамдардың отбасылары;
  • толық емес отбасылар жатады.

Бағдарламаның мақсаты:

  • неғұрлым көп қарыз алушылардың ипотекалық қарыздарын өтеу жағдайын жеңілдету; 
  • проблемалы кредиттердің деңгейін төмендету; 
  • экономиканың долларлану деңгейін төмендету. 

Қарыздарды қайта қаржыландыру келесідей басымдылықпен жүзеге асырылады:

  • ҚР заңнамасына сәйкес 2015 жылдың 01 қаңтарының жай-күйі бойынша халықтың әлеуметтiк жағынан қорғалатын топтарына жататын қарыз алушылардың ипотекалық тұрғын үй қарыздары/ипотекалық қарыздар;
  • ипотекалық тұрғын үй қарыздары;
  • ипотекалық қарыздар.

Басымдылық қарыз алушының арызы түскен күні мен уақытына қарай белгіленеді.
Қарызды қайта қаржыландыру туралы өтінімді беру үшін қажетті құжаттардың тізбесі: **

  • қарыз алушының, жұбайының/серіктес қарыз алушының (олар қатысқан жағдайда) жеке бастарын куәландыратын құжат;
  • қайта қаржыландыру туралы арыз;
  • қарыз алушы мен оның жұбайы (оның ішінде 2015 жылдың 01 қаңтарынан кейін некесі бұзылған жұбайы) қарыз алушының және оның жұбайының Қазақстан Республикасының аумағында жалғыз баспана екенін растау үшін 2015 жылдың 01 қаңтарындағы күй-жай бойынша  жылжымайтын мүлкі бар/жоғы туралы анықтама***;
  • жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтама***;
  • Банк белгілеген нысан бойынша қарыз алушының, оның жұбайының жылжымайтын мүлкі және үй құрылысына үлестік қатысу келісімшарты бойынша сатып алынған құрылысы аяқталмаған тұрғын үй ғимаратындағы үлесі жоқ туралы нотариалды куәландырылған аразы, оған мыналар жатпайды:

— Келісімшарт бойынша міндеттемелердің орындалуының қамтамасы ретінде Банкке алдында қойылған жылжымайтын мүлкі және үй құрылысына үлестік қатысу келісімшарты бойынша сатып алынған құрылысы аяқталмаған тұрғын үй ғимаратындағы үлесі;
— Жекешелендірілген/ сыйға тарту келісімшарты / мұра ету арқылы ортақ меншік құқығымен тиесілі  тұрғын үй бірлігінде қарыз алушының және/немесе жұбайының 16 м2  аспайтын үлесі;
—  01.01.2015 жылдан кейін мұра қалдыру/сыйға тарту жолымен меншігіне өткен мүлік;

  • Кепілзат берушінің жұбайының/ ортақ меншікке басқа қатысушыларының кепілге қоюға және соттан тыс тәртіппен сатуға берген  нотариалды куәландырылған келісімі. Егер кепілзат беруші некеде тұрмаса, онда ол жылжымайтын мүлікті алған және оны кепілге қойған сәтке дейін некеде тұрмағаны және некеде тұрмайтыны туралы нотариалды куәландырылған арызды беруі міндетті. Егер мүліктің иесі кәмелетке толмаса – қамқоршылық және қорғаншылық органдарының мүлікті кепілге қоюға және оны басыбайлы беруге келісімін алдыру керек;
  • Тәуелсіз бағалаушы компанияның тұрғын үйді немесе жер учаскесін бағалағаны туралы есебі/мүлік сақтандырылғанын растайтын құжат;
  • тұрғылықты мекенжайы туралы анықтама  (қарыз алушының да оның жұбайының да мекенжайы);
  • неке қиылғаны/бұзылғаны туралы/балаларының туу туралы/қарыз алушының (болған жағдайда) қайтыс болғаны туралы куәліктер;
  • соттың (болған жағдайда шешімі/ (соттың шешімі болған жағдайда) мемлекеттік баж төленгені туралы түбіртек;
  • қарыз алушы әлеуметтiк жағынан қорғалатын топқа жататының растайтын құжат.
  • Өтінішті қарау барысында қажет болатын Банк алдыртуы мүмкін басқа да құжаттар.

**  қайта қаржыландыру туралы өтінімді беру кезінде, қарыз алушы Банк шешім қабылдауға қажетті құжаттардың толық топтамасын Банктің филиалына  тапсыруы керек.
*** бұл анықтамаларды ХҚКО-нан немесе «электрондық үкімет» порталынан алуға болады