Банктің проблемалы кредиттеріне қатысты кепілзаттық нысандарға және Банк балансындағы нысандарға мониторинг жасау қызметтерін сатып алу

1. Компания заңды тұлға болуы тиіс.
2. Міндеттерді келісімшартқа сәйкес орындауға қажетті қаржылық, материалдық және еңбек қолы ресурстарымен қамтылуы керек.
3. Төлем жасауға қабілетті, жойылуға жатпайды, Компания мүліктеріне тыйым салынбаған, оның қаржы-шаруашылық қызметі Қазақстан Республикасының заңнамасында белгіленген тәртіпте тоқтатылмаған болуы тиіс.
4. Тендер өткізілетін кезде Компанияда және оның бірінші басшысында/құрылтайшысында  салықтар мен бюджетке төленуі міндетті төлемдер бойынша берешектерінің болмауы.
5. Бұрын жасалған келісімшарттар бойынша «Нұрбанк» АҚ тарабынан айтарлықтай айып тағылмауы тиіс.
6. Физикалық күзет қызмет көрсетуге берілген мемлекеттік лицензиясының болуы керек.
7. Күзетшілерде нысанды киімі және арнайы құралдары болуы тиіс.
8. Қазақстан Республикасы аумағында филиалдар жүйесінің (болғаны дұрыс) болуы.
9. Компания Қазақстан Республикасында тіркелуі тиіс.
10.  Келісімшарт бойынша өзара есеп айырысуды «Нұрбанк» АҚ-да ашылған банктік шот арқылы жүргізуге жеткізушінің берген келісімі (болғаны абзал).
11. Қызметтердің нақты көрсетілуіне қарай ай сайын төлем жасауға жеткізушінің берген келісімі.

Келісімшарт(тар) жасалатын компания(-лар) Тапсырыс берушінің тауар-материалдық құндылықтарына, мүлкі мен ақша қаражатына ұрлық, тонау немесе қарақшылық шабуыл салдарынан келген, сондай-ақ күзетке алынған нысандар мен жайлардың ілмектерін, құлыптарын, есіктерін, терезелерін, витриналары мен қоршауларын бұзу арқылы және басқа да жолдармен үшінші бір тұлғалар тарабынан жасалған Тапсырыс берушінің тауар-материалдық құндылықтары мен мүлігінің бұзылуынан болған, соның ішінде нысанның күзетімен тікелей айналысатын жұмыскердің кінәсінен келген залалдар үшін Орындаушы жауапқа тартылады. Орындаушы Тапсырыс берушіге Келісімшартта көрсетілген мерзімдерде барлық залалдарды толық көлемде өтеп береді.

1. осы хаттың 1-Қосымшасына сәйкес қазақ/орыс тілдеріндегі белгіленген формадағы конкурсқа қатысуға өтінімі;
2. құрылтай құжаттарының, заңды тұлғаны тіркеу/қайта тіркеу туралы куәліктің немесе куәліктің (Жарғы, қосымша құн салығы бойынша тірке есебіне қойылғаны туралы куәлік) нотариалдық куәландырылған көшірмелері;
3. белгілі бір қызметті жүзеге асыруға мемлекет беретін лицензиялардың көшірмелері (салыстыру үшін түпнұсқасы);
4. уәкілетті тұлға – жеткізуші өкілінің жеке басын куәландыратын құжаттың нотариалдық куәландырылған көшірмелері;
5. жеткізушінің Тендерге қатысуға уәкілетті тұлғасына берген сенімхаты;
6. атқарушы органды (басшыны) сайлағаны (тағайындағаны) туралы заң тұлғаның шешімі, құжаттың нотариалдық куәландырылған көшірмесі.

1. бағаға қатысты ұсыныстары;
2. үміткердің банктік деректемелерін, үміткердің банк алдында мерзімі кешіктірілген берешегінің жоқтығын растайтын қызмет көрсетуші банк берген анықтаманың түпнұсқасы;
3. заңды тұлғаның мөрімен расталған, заңды тұлғалар үшін бір жылғы қаржылық есептіліктің көшірмелері;
4. жеткізуші тіркеуден өткен орын бойынша Салық комитеті берген салық төлеуде берешегінің бар/жоқ екені туралы анықтамасының түпнұсқасы немесе электрондық үзінді көшірмесі;
5. бұрын жеткізушімен ынтымақтаса жұмыс істеген заңды тұлғалардың/жеке кәсіпкерлердің ынтымақтастық тәжірибесіне берген  бағалары мен сипаттамаларын қамтитын, оның ішінде міндеттемелердің уақтылы орындалуы, толық орындалуы және т.б. ұсынымдары енген ұсыныстары мен пікірлерінің көшірмелері (бар болса);
6. Тендер өткізілетін уақытқа дейінгі 2 (екі) жыл ішіндегі Корпоративтік табыс салығы декларациясының көшірмелері. Алдыңғы екі жыл ішінде салық есебінде шығындар болған жағдайда, қатысушы ұсынылатын тауар/қызмет (кейіннен халықаралық іскерлік мәміленің мәні болып табылатын тауарларды/жұмыстарды/қызметтерді сатып алуға қатысты) бағасының негіздемесін ұсынуы қажет;
7. Келісімшарт бойынша өзара есеп айырысуын «Нұрбанк» АҚ-да ашылған банктік шот арқылы жүргізуге берген келісімнің растамасы. Жеткізуші шот ашудан бас тартқан жағдайда, сәйкесті хатты тапсыруы қажет.