Қазақстан нарығында 28 жылдан астам уақыт бойы жұмыс істей отырып, Нұрбанк жылдық қаржылық қорытындыларын жасады. Мәліметтер көрсеткендей, қаржы институты 2020 жылы стратегиялық жоспарды жүзеге асырып, салымшылардың үмітін ақтады және тұрақтылықты сақтап қалды. Онлайн өнімдерді жетілдіру, депозиттік және кредиттік портфельдердің өсуі, қайта капитализация - 2020 жылы банкпен байланысты негізгі оқиғалар болды.
Нұрбанк ШОБ-пен жұмыс бойынша көрсеткіштерде елеулі табыстарды көрсетті. Осылай, кредиттік портфель 15 пайызға өсті, таза пайыздық табыс 45 пайызға артты, депозиттік портфель 15,8 пайызға өсті. "Нұрбанк" АҚ басқарма төрағасы Эльдар Сарсеновтің айтуынша, қарыз алушылар саны 12,8 пайызға артты, салымшылар саны 19,2 пайызға артты. Оған қоса, ШОБ кредиттік портфелінің банктің жалпы портфеліндегі үлесі 2019 жылғы 23 пайыздан 2020 жылы 27 пайызға дейін өсті.
Эльдар Сарсенов сондай-ақ, Нұрбанк ШОБ-ты мемлекеттік бағдарламаларға қатысу арқылы, пайыздық үстемелерді жеңілдету арқылы қолдауға әрдайым дайын екенін атап өтті. Бұл тұрғыда қаржы маманы, банк бизнестің жағында біржақты екенін баса айтты, себебі дамыған кәсіпкерлік дені сау экономиканың белгісі болып табылады.
"Біздің клиенттеріміздің шамамен 48 пайызы - ШОБ өкілдері - қайта құрылымдау алды. Бизнесті қолдау бойынша мемлекеттік агенттермен, әсіресе "Даму" қорымен тығыз жұмыс жасалып жатыр. Әдетте, "Даму" арқылы біз пайыздық мөлшерлемені субсидиялаймыз - біздің клиент оны 6-8 пайызға төмендетеді. Сондай-ақ, қор ШОБ кредиттерінің 85 пайызына дейін кепілдік береді - бұл стартап туралы болса. Біз кепілсіз жүйеде жұмыс істеуді кеңінен қалаймыз, бірақ бүгінгі экономикалық шындық оған мүмкіндік бермейді. Сондықтан агент ретінде "Даму" кепілдік береді, бұл кепілдік мүлікке балама қызмет, және біздің банк оны қуана қабылдайды", - деді Нұрбанк басқарма төрағасы.
2020 жылдың басында Нұрбанк AQR активтер сапасын бағалаудан өткеннен кейін 2020 жылы 46,8 миллиард теңгеге субординацияланған облигациялар орналастырды. Алынған қаражат банкке нақты секторды қаржыландыру және қолдауына жұмсалды. Мамыр айында Нұрбанк стратегиялық жоспарға сәйкес банк сенімділігін, дамуын және өсуін арттыру үшін, сондай-ақ пайда есебінен қалыптасатын қосымша резервтер құру үшін 20 миллиард теңгеге қосымша капиталдандыруын аяқтады.
2021 жылы Нұрбанк бәсекеге қабілеттілікті дәйекті түрде арттыруды және клиенттерге ең қолайлы жағдайды сақтауды жоспарлап отыр, оның ішінде әмбебап банктің ажырамас атрибуты ретінде бөлшек бизнесті дамытуды басты назарға алады.
https://tengrinews.kz/money/itogam-2020-goda-nurbank-prodoljaet-podderjku-msb-kazahstane-428036/