Халықаралық рейтинг агенттігі «S&P Global Ratings» "Нурбанк" АҚ-ның 2020 жылғы қаржылық жай-күйі мен 2021 жылдың үшінші тоқсанына қатысты есеп жариялады.
S&P аналитиктерінің деректері бойынша Нурбанктің қаржыландыру және өтімділік көрсеткіштері Қазақстанның ұқсас банктерімен салыстырғанда сәйкес келеді. Клиенттік сенім деңгейі 2021 жылдың алғашқы тоғыз айында тұрақты болып қалады, банк өтімділік қорын жеткілікті түрде ұстаған, бұл ағымдағы макроэкономикалық жағдайда оң фактор болып табылады.
«Нурбанк рейтингтерінің «Тұрақты» болжамы банктің активтер сапасын біртіндеп жақсартуға және бизнестің жоспарланған дамуына жеткілікті капиталдық резервтерді ұстап тұруға қабілетті болатынын көрсетеді. Біз банк қаржыландыру портфелін тұрақты ұстап, жеткілікті өтімділікті сақтауға қабілетті болады деп есептейміз», - дейді S&P талдаушылары.
Өз кезегінде, банктің төрайымы Гүлнара Мусатаеваның айтуынша, бүгінгі уақытта Банк тұрақты өсу кезеңінде, және біз несие портфелінің сапасын жақсартып, тиімділік көрсеткіштерін арттыруды күтеміз.
«Өткен жылы банк секторындағы динамика оның тұрақтылығын арттырып, экономиканы қаржыландыру мүмкіндіктерін кеңейтуді көрсетеді. Мен АО «Нурбанк» өзінің әлеуетін арттыру үшін берік іргетасын қалыптастырды деп сенемін, және оның тұрақтылығы мен кірісін арттыру үшін барлық мүмкіндіктерге ие. Нурбанктің қаржылық жай-күйі туралы есеп банктің тиімді стратегиясы, қаражатты сауатты басқаруы, сондай-ақ банк клиенттері мен серіктестерінің сенімін білдіреді», - деді Г. Мусатаева.
2021 жылдың 11 айының негізгі нәтижелері:
- Банктің активтері 451,2 млрд. теңгені құрады;
- жылдың басынан бастап несие портфелі 8,7%-ға өсті;
- депозит портфелі жылдың басынан бастап 12,2%-ға артып, 312,0 млрд. теңгені құрады;
- Банктің таза пайыздық кірісі 1,5 есе артты.
2021 жылдың 01.12 жағдайы бойынша Банк Қазақстанда 17 филиал және 98 банк қызмет көрсету орталығына ие. Сонымен қатар, Банк дамыған альтернативті сату желісіне ие. Банкоматтар мен POS-терминалдардың саны тиісінше 346 және 1889 құрады.
Банк жақын арада бизнесті дамытудың стратегиялық міндеттерін жүзеге асыруды жоспарлап отыр, атап айтқанда:
- жеке тұлғаларға несие беру көлемін кеңейту;
- бөлшек, шағын және орта бизнесті қызмет көрсету үлесін арттыру;
- несие портфелі мен депозиттік базаны жақсарту;
- сату арналарының мультиканалдығын дамыту;
- клиенттерге қызмет көрсету бизнес-процестерін автоматтандыру.
«Нурбанк» АҚ баспасөз қызметі
media@nurbank.kz
