Алаяқтар жеке деректеріңіз бен ақшаңызға қол жеткізу үшін Android жүйесіне арналған зиянды қосымшаларды пайдаланады. Мұндай қосымшалар SMS-хабарламаларды, растау кодтарын және басқа да құпия ақпаратты ұстап алып, алаяқтарға банк қосымшаларына қол жеткізуге мүмкіндік беруі мүмкін.
Өзіңізді қалай қорғауға болады?
Бірнеше қарапайым ережені сақтаңыз:
Қосымшаларды тек ресми дүкендерден жүктеп алыңыз. Әзірлеушіні және қосымша сұрайтын рұқсаттарды тексеріңіз.
WhatsApp, Telegram, SMS және басқа хабарламалардағы күмәнді сілтемелерге өтпеңіз, тіпті олар таныстарыңыздан келсе де.
Белгісіз қосымшаларға SMS-хабарламаларға, хабарландыруларға және телефонның арнайы мүмкіндіктеріне қол жеткізуге рұқсат бермеңіз.
Өзге адамдарға телефоныңызды қашықтан басқаруға рұқсат бермеңіз, тіпті олар өздерін банк немесе қолдау қызметінің қызметкерлері ретінде таныстырса да.
Ешкімге SMS-кодтарды, құпиясөздерді және банк қосымшаларына кіру деректерін айтпаңыз.
Телефоныңыздың бағдарламалық жасақтамасын үнемі жаңартып отырыңыз. Өзіңіз орнатпаған немесе пайдаланбайтын қосымшаларды жойыңыз.
Күдік туындаған жағдайда не істеу керек?
Шотыңыздан белгісіз операцияларды байқадыңыз ба немесе телефоныңызға зиянды қосымша орнатылған деп күдіктенесіз бе? Банкке хабарласуды кейінге қалдырмаңыз.
Нұрбанкке 2552 нөмірі бойынша хабарласыңыз (Қазақстанның ұялы телефондарынан қоңырау шалу тегін). Біздің мамандар қаражатыңызды қорғау жолдарын түсіндіреді.
Нұрбанк ескертеді: ақшаңыздың қауіпсіздігі қарапайым сақтық шараларынан басталады. Мұқият болыңыз және алаяқтарға ешқандай мүмкіндік бермеңіз!