Ақтөбе қаласындағы терактке байланысты Нұрбанк қала тұрғындарының несиелері бойынша 4 маусымнан бастап 6 маусымға дейінгі мерзімде төлемдері есепке алынбаған жағдайда өсімпұлдар мен айыппұлдарды алып тастады.
«Ақтөбедегі оқиғалар ешкімді бей-жай қалдырмады. Біз қайтыс болған жандар үшін қайғырып, жарақат алғандардың тез сауығып кетуін және жағдайдың тез арада шешілуін тілейміз. Бұл қасиетті айда әр адам ең құнды дүниенің өмір екенін түсінуі керек», — деді Е. Сарсенов.