2020 жылдың 22 мамырында Ірі Акционер «Нұрбанк» АҚ-ның жалпы сомасы 20,038 млрд. теңге капитализациясын аяқтады.
Осылайша, активтердің сапасын бағалау нәтижелері негізінде «Нұрбанк» АҚ-ның қаржылық тұрақтылығын арттыру бағдарламасына қатысу бойынша міндеттемелер орындалды.
«Нұрбанк» АҚ Басқарма Төрағасы Елдар Сарсенов атап өткендей: «Банкті капитализациялау оның сенімділігін және қаржылық тұрақтылығын арттыруға, қазіргі болып жатқан дағдарысқа қарсы тұруға ықпал етеді және біздің таңдалған стратегиямызға сәйкес болашақ банк өсуін қамтамасыз етеді».
Алынған қаражат банкке қарыз берушілер мен салымшылар үшін «қауіпсіздік жастығын» ұлғайтуға, сондай-ақ нақты экономика секторларын несиелендіруге және шағын және орта бизнес субъектілерін қаржыландыруға бағытталады.
«"Нұрбанк" АҚ-ның жоғары капитализациисы және өтімділігі банктің осы қиын кезде тұрып қалуға мүмкіндік берді, клиенттерді тиісті, жоғары деңгейде қызмет көрсету сақталды. Біз клиенттер алдындағы барлық міндеттемелерді орындауды жалғастырдық, несие бойынша 20 мыңнан астам кейінге қалдырулар ұсынды.
Қазіргі уақытта «Нұрбанк» банкомат желісін белсенді түрде дамытып жатыр, 1-тоқсанда 50 жаңа банкомат сатып алынды. Алдағы айларда біз барлық бағыттарда біздің бизнес-процестерді тиімді ұйымдастыруға мүмкіндік беретін жаңа Colvir автоматтандырылған банк жүйесін іске қосу жобасын аяқтаймыз» - деп қосты Елдар Сарсенов.
Анықтамалық:
Жыл басындағы жағдай бойынша, «Нұрбанк» АҚ капиталының жеткіліктілік деңгейі 10% норматив бойынша 19% құрады, ал ағымдағы өтімділік 0,3 норматив бойынша 1,7 болды. Несие беру көлемі айтарлықтай өсті. Жыл басынан бастап ағымдағы жылдың қаңтар-сәуір айларында берілетін займдар өткен жылғы деңгейден 16,5% жоғары болды.
2020 жылдың басынан бастап пайыздық кірістер былтырғы жылдың сәйкес кезеңімен салыстырғанда 9% өсті. Корпоративтік бизнес бойынша бұл көрсеткіш 10% өсті.
Жыл басынан бастап депозит портфелі 3,5 млрд. теңгеге немесе 1,3% өсті.
Дилингтік операциялар бойынша кірістер айтарлықтай артып, өткен жылдағы осындай кезеңмен салыстырғанда 2,5 есеге өсіп, 2,6 млрд. теңгені құрады.
"Нұрбанк" АҚ баспасөз қызметі