НҰРБАНК ТӨТЕНШЕ ЖАҒДАЙ КЕЗІНДЕ ТӨЛЕМДЕРДІ КЕЙІНГЕ ҚАЛДЫРУ ЖӨНІНДЕ ХАБАРЛАЙДЫ

«Нұрбанк» АҚ дағдарысқа қарсы шараларды жүзеге асыруға және кәсіпкерлерді қолдауға қатысатынын хабарлайды. Қазақстан Республикасы аумағында 2020 жылдың 16 наурызы мен 15 сәуірі аралығында төтенше жағдайдың енгізілуіне байланысты клиенттерді қолдауға бағытталған бірқатар шұғыл шаралар қабылданды.

Өз тарапынан «Нұрбанк» АҚ клиенттерге келесі қолдау көрсетеді:

1. Қазақстанда төтенше жағдай кезінде пайда болған шектеулерге байланысты заемшылардың мерзімі өткен төлемдеріне айыппұлдар мен өсім бары төленбейді. Бұл шараны қолдану үшін банкке жүгінудің қажеті жоқ.
2. 2020 жылдың 19 наурызынан бастап 18 сәуіріне дейін барлық бөлшек кредиттер бойынша негізгі қарыз бен сыйақыны 30 күнге дейін төлемдерді кейінге қалдыру қарастырылған. Бұл шараны қолдану үшін банкке жүгінудің қажеті жоқ.
3. Жеке кәсіпкерлер мен шағын және орта бизнес субъектілері үшін негізгі қарызды және кредит бойынша сыйақыны төлеу мерзімі 2020 жылдың 15 сәуіріне дейін кейінге қалдырылады. Льготты кезең берілетін кредит бойынша төлемдер келесі айға ауыстырылады.

  «Ұсынылған шаралар клиенттерімізге осы қиын жағдайды еңсеруге көмектеседі деп сенеміз. Біздің басты міндетіміз әрқашан клиенттеріміздің әл-ауқаты мен жетістігі болды, бар және болады. Біз жағдайды тұрақтандыру және біздің Банкте қызмет көрсетілетін жеке тұлғаларға және кәсіпкерлерге қолдау көрсету үшін барлық қажетті күш-жігерді жұмсаймыз», - деп мәлімдеді «Нұрбанк» АҚ басқарма төрағасы Елдар Сарсенов.

«Нұрбанк» АҚ баспасөз қызметі

+7 700 00 999 09  Асель Кубеева