• қажеттіліктерді, жылдық сатып алу жоспарын, лоттарды, сатып алу рәсімдерін және шарттарды жүргізу;
• сатып алуларды деңгейлер бойынша автоматты түрде жіктеу және бағдарламалық кодты пысықтаусыз реттелетін келісу маршруттарын қалыптастыру;
• Банктің ішкі жүйелерінен, ашық дереккөздерден және пайдалануға рұқсат етілген өзге де ақпараттық ресурстардан алынатын деректерді автоматтандырылған түрде жинау, парсингтеу, қалыпқа келтіру және салыстыру;
• алаяқтық және өзге де күмәнді сценарийлерді, ауытқуларды, типтік емес өзара байланыстар мен мінез-құлық үлгілерін анықтау үшін AI/ML модельдері мен Big Data технологияларын қолдану;
• өнім берушілердің үлестестік белгілерін, мүдделер қақтығысын, сөз байласуды, бәсекелестікті шектеу және сатып алу рәсімдерін манипуляциялау фактілерін анықтау;
• сатып алу құжаттамасында бәсекелестікті негізсіз шектеуі ықтимал талаптардың болуына автоматты түрде талдау жүргізу;
• сатып алуларды 30 күндік, тоқсандық және жылдық кезеңдер бойынша бөлшектеу фактілерін, картельдік белгілерді, IP-мекенжайлардың, құжаттардың және өзге де байланысты деректердің сәйкестігін анықтау;
• ішкі және сыртқы дереккөздерді пайдалана отырып, әлеуетті өнім берушілердің тәуекел бейінін және рейтингін автоматты түрде қалыптастыру;
• ашық дереккөздер және өнім берушінің порталы арқылы әлеуетті өнім берушілер тобын қалыптастыру;
• Kaspi, TenderKZ, мемлекеттік сатып алу порталы және өзге де ашық дереккөздерден нарықтық бағаларды жинау және салыстыру;
• сатып алудың болжамды құны нарықтық деректермен салыстырғанда жоғары болған жағдайларды автоматты түрде анықтау;
• L-2 және одан жоғары деңгейдегі сатып алулар бойынша қатысушылардың анонимділігін қамтамасыз ететін бағаны төмендетуге арналған электрондық аукционды қоса алғанда, бәсекелестік рәсімдерді өткізу;
• есептелген балдарды қолмен өзгерту мүмкіндігінсіз, алдын ала белгіленген өлшемшарттар бойынша жеңімпазды автоматты түрде айқындау;
• бір өнім берушінің үлесін жылдық IT-бюджеттің 35%-ы мөлшерінде шектеуді қоса алғанда, сатып алулардың бір өнім берушіге шоғырлануын бақылау;
• шарт сомасы 10%-дан астам ұлғайған жағдайда ескерту сигналын қалыптастыруды қоса алғанда, шарттардың орындалуын бақылау;
• сатып алуға арналған тиісті тапсырыс болмаған жағдайда шот бойынша төлемді бұғаттау;
• мәлімделген IT-сағаттарды Банктің ақпараттық жүйелерінің журналдары мен өзге де деректері негізінде тексеру;
• өнім берушілер каталогын бәсекелестік негізде қалыптастыру және бағаларды кемінде алты айда бір рет автоматты түрде салыстырып тексеру;
• сатып алу рәсімдеріне араласу фактілері туралы хабарлауға арналған қорғалған анонимді арнаны қамтамасыз ету;
• өзгертуге келмейтін аудит журналын жүргізу және Банктің басқару органдары мен меншік иесіне арналған есептілікті автоматты түрде қалыптастыру.

AI/ML және Big Data функционалдылығы қосымша модуль емес, сатып алу процесінің барлық негізгі кезеңдеріне интеграцияланған платформа архитектурасының орталық элементі болуға тиіс.

Жүйе қалыптастыратын сигналдар, ұсынымдар, тәуекелдерді бағалау нәтижелері және автоматтандырылған талдау қорытындылары түсінікті әрі тексеруге қолжетімді болуға, сондай-ақ тиісті қорытындыға әсер еткен факторлар мен деректер көздері көрсетілуге тиіс.

Жүйе Қазақстан Республикасының аумағындағы Тапсырыс берушінің инфрақұрылымында орналастырылуға тиіс. Есептеу ресурстарын, оның ішінде AI/ML модельдерінің жұмыс істеуіне арналған графикалық процессорларды Банк қамтамасыз етеді.

Тендер алдындағы іс-шараларға мына салалардың біреуі немесе бірнешеуі бойынша құзыреттері бар заңды тұлғалар мен жеке кәсіпкерлер шақырылады:

• сатып алу платформаларын әзірлеу және енгізу;
• Source-to-Pay және Procure-to-Pay санаттарындағы шешімдер;
• жүйелік интеграция және тапсырыс бойынша бағдарламалық қамтылым әзірлеу;
• жасанды интеллект және машиналық оқыту;
• үлкен деректерді өңдеу және талдау;
• алаяқтық сценарийлерді анықтау және тәуекелдерді басқару;
• әртүрлі дереккөздерден алынатын деректерді парсингтеу, біріктіру және салыстыру.

Ұсынылатын шешімнің форматына шектеу қойылмайды. Дайын тираждық өнімдер, Банк талаптарына сәйкес пысықталатын дайын шешімдер, сондай-ақ тапсырыс бойынша жеке шешім әзірлеу нұсқалары қарауға қабылданады.

Өнім берушінің белгілі бір әріптестік мәртебелерінің, бұрын енгізілген нақты өнімдерінің, жекелеген дереккөздерінің немесе тек қаржы секторындағы жұмыс тәжірибесінің болуы жөніндегі талаптар белгіленбейді.

Әлеуетті өнім берушілерге мынадай ақпарат пен материалдарды ұсыну ұсынылады:

1. Қызмет бейінін, нарықтағы жұмыс істеу мерзімін және негізгі құзыреттерінің құрамын қоса алғанда, компания туралы мәліметтер.
2. Технологиялық стек көрсетілген ұсынылатын шешім мен оның архитектурасының сипаттамасы.
3. Алаяқтық сценарийлерді, ауытқуларды және байланысты тұлғаларды анықтау тәсілдерін қоса алғанда, AI/ML және Big Data құрамдастарының сипаттамасы.
4. Шешімде пайдаланылуы мүмкін ішкі және сыртқы деректер көздерінің тізбесі, сондай-ақ оларды парсингтеу, өңдеу және салыстыру тетіктерінің сипаттамасы.
5. Соңғы бес жыл ішінде аяқталған, ауқымы жағынан салыстырмалы жобалар туралы мәліметтер.
6. Бағдарламалық қамтылымды пайдалану құқықтарының, енгізудің, интеграциялардың және техникалық қолдаудың құны бөлек көрсетілген алдын ала коммерциялық ұсыныс.
7. Енгізу мерзімдері мен жобаның негізгі кезеңдерінің құрамы бойынша алдын ала бағалау.
8. Тапсырыс берушінің есептеу ресурстарына қойылатын талаптар.
9. Артық болуы немесе бәсекелестікті шектеуі ықтимал талаптарды көрсете отырып, Банктің алдын ала техникалық талаптарына қатысты ескертулер мен ұсыныстар.

Тендер алдындағы іс-шараларға қатысу кейінгі тендерге қатысудың міндетті шарты болып табылмайды және тендерлік өтінімдерді бағалау кезінде қандай да бір артықшылық бермейді.

Материалдарды ұсыну Банк үшін қандай да бір міндеттемелердің туындауына әкеп соқпайды және оферта немесе акцепт болып табылмайды.

Тендер алдындағы іс-шараларға қатысуға байланысты шығыстарды өнім берушілер өздері көтереді. Банк ұсынылған материалдарды қарау нәтижелеріне қарамастан, мұндай шығыстарды өтемейді.

Өнім берушілердің ескертулері мен ұсыныстарын Банк қорытынды техникалық ерекшелікті дайындау кезінде қарайды. Қабылданған өзгерістер алдағы тендердің барлық қатысушыларына қолжетімді болатын тендерлік құжаттамаға енгізіледі.

Өнім берушілер ұсынған мәліметтер тек сатып алуды дайындау мақсатында пайдаланылады және үшінші тұлғаларға жария етілмейді.

Ашық тендердің өткізілетіні туралы хабарландыру «Нұрбанк» АҚ-ның ресми интернет-ресурсында және бұқаралық ақпарат құралдарында осы хабарлама жарияланған күннен бастап кемінде 14 күнтізбелік күн өткеннен кейін жарияланады.

Тендер алдындағы іс-шараларға қатысу және ұсынылатын шешімге қойылатын талаптар мәселелері бойынша «Нұрбанк» АҚ ЖИ офисінің өкілі Зайтов Р.А.-ға хабарласу қажет.

Телефон: +7 (727) 259-97-10, ішкі нөмірі 4537 Электрондық пошта: rzaitov@nurbank.kz