Кепілсіз кредит

Егер қарыз алушы банк қарызы шарты бойынша міндеттемелерін бұзса және банк қарызы шарты бойынша міндеттемелерді орындау қажеттігі туралы Банктің хабарламасынан туындайтын талаптарын орындамаса, Банк келесі шараларды қолдануға құқылы екенін еске саламыз:

• банк қарызы шартында көзделген тұрақсыздық айыппұлдарын (айыппұл, өсім) қолдану;
• банк қарызы шарты бойынша мерзімі өткен берешекті өтеу үшін қарыз алушының кез-келген валютадағы ақшаларын дауыссыз тәртіпте алып қою (негізгі қарыз сомасын, сыйақыны, тұрақсыздық сомаларын (айыппұл, өсімдер), Банктің шығындары мен басқа төлемдерді қоса алғанда, шектелмей), оның ішінде Банкте ашылған есепшоттан тікелей дебеттеу және/немесе басқа банктік есепшоттардан, және/немесе басқа банктерде және/немесе банктік операциялардың жекелеген түрлерін жүзеге асыратын ұйымдарда ашылған қарыз алушының банктік есепшоттарына және басқа кредиттік ұйымдарға Банктің төлем талаптарын немесе Қазақстан Республикасының заңнамасында көзделген басқа құжаттарды ұсыну арқылы;
• банк қарызы шарты бойынша қарыз алушының берешегін өндіріп алу туралы сотқа талап арыз беру, сондай-ақ кепілге салынған мүлікті соттан тыс тәртіпте немесе сот тәртібінде өндіріп алу;
• банк қарызы шарты бойынша қарыздарды сотқа дейін ресімдеу және реттеу үшін коллектор агенттігіне беру;
• банк қарызы шарты бойынша Банктің талап ету құқықтарын Қазақстан Республикасының заңнамасының талаптарын ескере отырып, үшінші тұлғалардың пайдасына тапсыру;
• банк қарызы шартының орындау шарттарын шартта көрсетілген тәсілдермен өзгерту;
• қарыз алушыдан банк қарызы шартындағы барлық міндеттемелерді және Банк пен қарыз алушының арасында жасалған басқа шарттар бойынша ерте орындауды қоса алғанда, кредит бойынша қарызды өтеу міндеттемелерін, толықтай немесе Банк белгілейтін бөлігін, орындауды талап ету;
• қарыз алушыға кредит беруден бір жақты соттан тыс бас тарту немесе қарыз алушыға ешқандай Банктің хабарламаларын жібермей кредит беруді тоқтата тұру;
• банк қарызы шарты бойынша міндеттемелердің мөлшерін толықтай жабатын мүлікті кепілге беруді талап ету; және/немесе
• Қазақстан Республикасының заңнамасымен және банк қарызы шартымен көзделген басқа құқықтарды жүзеге асыру.

Банктің жоғарыда аталмыш шараларынан туындайтын жауапкершілікпен қатар, қарыз алушы банк қарызы шарты бойынша кепіл затының сақтандыру міндеттемелерін бұзғаны үшін, соның ішінде сақтандыру келісімін ұзарту немесе жаңарту бойынша міндеттемелерді, кредиттің мақсатты пайдаланылу міндеттемесін және басқа шартта көзделген арнайы талаптарды бұзу үшін келісімде көрсетілген айыппұл төлеуге міндетті, сондай-ақ қарыз алушының банк қарызы шарты бойынша міндеттемелерін бұзу және берешекті өндіріп алу іс-шараларын жүзеге асырумен байланысты барлық шығындарды, неустойка сомасынан асып кететін толық сомада өтеледі.

Егер қарыз алушы жеке тұлға болса, онда ол банк қарызы шарты (ары қарай - Келісім) бойынша міндеттемені орындау мерзімі өтіп кеткен күннен бастап отыз күнтізбелік күн ішінде Банкке барып және/немесе Келісімде көзделген тәсіл бойынша жазбаша түрде өтініш тапсыруға, оның ішінде міндеттемені орындау мерзімін өткізіп алу себептері, кірістер және басқа расталған деректер (фактілер) туралы мәліметтерді қамтитын мәлімдеме беруге құқылы екенін хабарлаймыз. Осы ретте, заңның 36 бабының 1-1 тармағына сәйкес Келісім шарттарына өзгерістер енгізу туралы мәлімдемені алған күннен бастап он бес күнтізбелік күн ішінде Банк қарыз алушы жеке тұлғамен ұсынылған Келісімнің шарттарын қарастырып, оны қарыз алушы жеке тұлғаға жазбаша түрде немесе Келісімде көзделген тәсіл бойынша хабарлайды:

1. Келісім шарттарына ұсынылған өзгерістермен келісу жөнінде;
2. Келісім шарттарын өзгертуге қатысты өз ұсыныстары туралы;
3. Келісім шарттарын өзгертуден бас тарту туралы және мұндай бас тартудың негіздемесі.

Банк тарапынан Келісім шарттарын өзгертуді бас тарту немесе Келісім шарттарын өзгертуде қабылданған екі тарапқа да қолайлы шешім болмауы жағдайында, қарыз алушы жеке тұлға Банк қаулысын алған күннен бастап 15 (он бес) күнтізбелік күн ішінде қаржы нарығын реттеу мен дамыту жөніндегі Қазақстан Республикасы Агенттігіне және бір уақытта Банкті хабардар ете отырып өтініш беруге құқылы. Егер қарыз алушы Келісім шарттарына сәйкес Банктің төлемдерді, оның ішінде мерзімі өткен қарызды төлеу туралы талабын қанағаттандырмаса, банктер туралы заңның 36-бабының 2-тармағына сәйкес, Банк берзада (егер мұндай өндіріп алу Келісімде қарастырылған болса) қарыз алушының банктік есепшоттарында бар ақша қаражаттарын, оның ішінде төлем талаптарын жолдау арқылы өндіруге құқылы, ал банктер туралы заңмен қарастырылған шектеулер ескерілуі тиіс.

Банктің Келісім бойынша төлемдерді енгізу қажеттілігі, оның ішінде мерзімі өткен қарыздары барлығы туралы талабы қанағаттандырылмаса, сондай-ақ жеке тұлға болып табылатын қарыз алушы банктер туралы заңның 36-бабының 1-1-тармағында көзделген құқықтарды пайдаланбаған жағдайда немесе Келісім шарттары бойынша өзгерістер енгізу кезінде жеке тұлға болып табылатын қарыз алушы мен Банк арасында келісім болмаған кезде, банктер туралы заңның 36-бабының 2-1-тармағына сәйкес Банк қарыз алушыға Қазақстан Республикасының заңнамасы және/немесе Келісімде көзделген шараларды қолдануға, оның ішінде, сотқа дейін өндіріп алу және реттеу үшін коллектор агенттігіне беруге (мұндай құқық Банкте болған жағдайда), 36-1-бабының 4-тармағында көрсетілген тұлғағы құқығын (талабын) Келісім бойынша тапсыруға, сотқа Келісім бойынша қарыз сомасын өндіріп алу туралы талап арыз беруге және кепілге салынған мүлікке өндіріп алу шараларын қолдануға, егер "Жылжымайтын мүлікті ипотека" туралы Қазақстан Республикасының заңында қарастырылған жағдайлар жоқ болса, сот арқылы да өндiрiп алуға құқылы.