2024 жылғы 13-қарашада Директорлар кеңесінің шешімімен Сарсенов Эльдар Рашитович «Нұрбанк» АҚ-ның Директорлар кеңесінің төрағасы болып сайланды.

«Нұрбанк» АҚ 2024 жылдың 08-қарашасында акционерлердің кезектен тыс жалпы жиналысы өткенін, онда Банктің Директорлар кеңесінің сандық құрамы кеңейтілгенін хабарлайды. Элиза Олжабаевна Қозыкеева, Аслан Бактыгереевич Талпаков, Искандер Ришатович Вахитов Директорлар кеңесінің жаңа мүшелері болып сайланды.

 Басқарушылық есептілікке сәйкес, 2024 жылдың 01 қыркүйегіндегі күй-жай бойынша Нұрбанктің активтері 497,4 млрд теңгеге жетті, бұл жыл басындағы көрсеткіштен 6,8%-ға артық. Сегіз айда таза табыс 9 млрд теңгені құрады, бұл өткен жылдың көрсеткішінен шамамен екі есе көп. 

«Нұрбанк» АҚ әлемнің 167 елінен 24 мыңнан астам компания мен ұйым қатысатын БҰҰ Жаһандық келісімшартына қосылды.

S&P Global Ratings Нұрбанктің ұзақ мерзімді және қысқа мерзімді кредиттік рейтингтерін «B-/B» деңгейінде растады және ұлттық шәкіл бойынша рейтингін «kzBB-»-ден «kzBB» деңгейіне көтерді.

Нұрбанк Лездік төлемдер жүйесіне (ЛТЖ) қосылды. ЛТЖ 24/7 тәртібінде қазақстандық қатысушы банктердің клиенттері арасында теңгемен аударымдарды жүзеге асыруға мүмкіндік береді. Аударымдар ұялы телефон нөмірі арқылы жүзеге асырылады. Карта нөмірі мен басқа да деректемелерді сұраудың қажеті жоқ.